قازاقستان رەسپۋبليكاسى ۇلتتىق ەكونوميكا مينيسترلىگىنىڭ بۇيرىعى  №279

  2016 جىلعى 23 ماۋسىم, استانا قالاسى «قۋاتتىلىعى از تابيعي مونوپوليالار سۋبەكتىلەرىنىڭ قىزمەتىن وڭايلاتىلعان مەملەكەتتىك رەتتەۋ ەرەجەسىن بەكىتۋ تۋرالى» قازاقستان رەسپۋبليكاسى ۇلتتىق ەكونوميكا ءمينيسترىنىڭ 2014 جىلعى 29 جەلتوقسانداعى № 176 بۇيرىعىنا وزگەرىستەر ەنگىزۋ تۋرالى بۇيىرامىن: 1. «قۋاتتىلىعى از تابيعي مونوپوليالار سۋبەكتىلەرىنىڭ قىزمەتىن وڭايلاتىلعان مەملەكەتتىك رەتتەۋ ەرەجەسىن بەكىتۋ تۋرالى» قازاقستان رەسپۋبليكاسى ۇلتتىق ەكونوميكا ءمينيسترىنىڭ 2014 جىلعى 29 جەلتوقسانداعى № 176 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە 2015 جىلعى 19 ناۋرىزدا № 10512 تىركەلگەن, 2015 جىلعى 1 ساۋىردە «ادىلەت» اقپاراتتىق - قۇقىقتىق جۇيەسىندە جاريالانعان) مىناداي وزگەرىستەر ەنگىزىلسىن: تاقىرىبى مىناداي رەداكتسيادا جازىلسىن, ورىس تىلىندەگى ءماتىن وزگەرمەيدى: «قۋاتتىلىعى از تابيعي مونوپوليالار سۋبەكتىلەرىنىڭ قىزمەتىن وڭايلاتىلعان مەملەكەتتىك رەتتەۋ قاعيدالارىن بەكىتۋ تۋرالى»; 1-تارماق مىناداي رەداكتسيادا جازىلسىن, ورىس تىلىندەگى ءماتىن وزگەرمەيدى: «1. قوسا بەرىلىپ وتىرعان قۋاتتىلىعى از تابيعي مونوپوليالار سۋبەكتىلەرىنىڭ قىزمەتىن وڭايلاتىلعان مەملەكەتتىك رەتتەۋ قاعيدالارى بەكىتىلسىن»; كورسەتىلگەن بۇيرىقپەن بەكىتىلگەن قۋاتتىلىعى از تابيعي مونوپوليالار سۋبەكتىلەرىنىڭ قىزمەتىن وڭايلاتىلعان مەملەكەتتىك رەتتەۋ قاعيدالارىندا: 7-تارماق مىناداي رەداكتسيادا جازىلسىن: «7. ۋاكىلەتتى ورگاننىڭ ۆەدومستۆوسى ءوتiنiمدi العان كۇنىنەن باستاپ بەس جۇمىس كۇنىنەن اسپايتىن مەرزىمدە ۇسىنىلعان ماتەريالداردىڭ تولىقتىعىن قارايدى جانە تەكسەرەدى جانە قۋاتتىلىعى از تابيعي مونوپوليا سۋبەكتiسiنە ءوتىنىمدi قاراۋعا قابىلداعانى نەمەسە باس تارتۋ سەبەپتەرiن كورسەتە وتىرىپ, ءوتىنiمدi قاراۋعا قابىلداۋدان باس تارتقانى تۋرالى جازباشا تۇردە حابارلايدى. تابيعي مونوپوليا سۋبەكتiسiنiڭ ءوتiنىمiن قاراۋعا قابىلداۋدان باس تارتۋ سەبەپتەرى: 1) ءوتىنىمدi ۇسىنۋ مەرزiمدەرiن بۇزۋ; 2) قاعيدالاردىڭ 4-تارماعىندا كورسەتىلگەن قۇجاتتار پاكەتىن تولىق ۇسىنباۋ; 3) ۇسىنىلعان قۇجاتتاردىڭ قاعيدالاردىڭ 6-تارماعىنا سايكەس كەلمەۋى; 4) دايەكسىز اقپاراتتى قامتيتىن قۇجاتتاردى ۇسىنۋ بولىپ تابىلادى. قۋاتتىلىعى از تابيعي مونوپوليا سۋبەكتىسىنىڭ ءتاريفتى (باعانى, الىم مولشەرلەمەسىن) جانە تاريفتىك سمەتانى توتەنشە رەتتەۋشى شارا رەتىندە بەكىتۋگە ءوتىنىمىن قاراۋعا قابىلداۋدان باس تارتۋ سەبەبى قاعيدالاردىڭ 5-تارماعىندا كورسەتىلگەن قۇجاتتاردىڭ ۇسىنىلماۋى بولىپ تابىلادى.»; 9-تارماق مىناداي رەداكتسيادا جازىلسىن: «9. ۋاكىلەتتى ورگاننىڭ ۆەدومستۆوسى قۋاتتىلىعى از تابيعي مونوپوليا سۋبەكتىلەرىنىڭ رەتتەلىپ كورسەتىلەتىن قىزمەتتەرىنە تاريفتەردىڭ (باعالاردىڭ, الىمدار مولشەرلەمەلەرىنىڭ) جوبالارىن كۇنتىزبەلىك وتىز كۇننەن اسپايتىن مەرزىمدە قارايدى. تاريفتەردىڭ (باعالاردىڭ, الىمدار مولشەرلەمەلەرىنىڭ) جوبالارىن قاراۋ مەرزىمى ءوتىنىم بەرىلگەن ساتتەن باستاپ ەسەپتەلەدى. ۋاكىلەتتى ورگاننىڭ ۆەدومستۆوسى توتەنشە رەتتەۋشى شارالار رەتىندە شەشىم قابىلداۋ ءۇشىن قۋاتتىلىعى از تابيعي مونوپوليالار سۋبەكتىلەرىنىڭ رەتتەلىپ كورسەتىلەتىن قىزمەتتەرىنە (تاۋارلارىنا, جۇمىستارىنا) تاريفتەردىڭ (باعالاردىڭ, الىمدار مولشەرلەمەلەرىنىڭ) جانە تاريفتىك سمەتالاردىڭ جوبالارىن كۇنتىزبەلىك ون كۇننەن اسپايتىن مەرزىمدە قارايدى.»; 13-تارماق مىناداي رەداكتسيادا جازىلسىن: «13. ۋاكىلەتتى ورگاننىڭ ۆەدومستۆوسى قۋاتتىلىعى از تابيعي مونوپوليا سۋبەكتىلەرىنىڭ رەتتەلىپ كورسەتىلەتىن قىزمەتتەرىنە تاريفتەردى (باعالاردى, الىمدار مولشەرلەمەلەرىن) بەكىتۋ تۋرالى شەشىم قابىلدانعانعا دەيىن ءبىر كۇن بۇرىن جاريا تىڭداۋلار وتكىزەدى.»; 33 جانە 34-تارماقتار مىناداي رەداكتسيادا جازىلسىن: «33. ۋاكىلەتتى ورگاننىڭ ۆەدومستۆوسى تاريفتىك سمەتانى تۇزەتۋ تۋرالى قۇجاتتاردى ۇسىنعان كۇننەن باستاپ كۇنتىزبەلىك وتىز كۇننەن اسپايتىن مەرزىمدە قارايدى. 34. ەگەر تاريفتىك سمەتانى تۇزەتۋ تۋرالى ۇسىنىستى قاراۋ كەزىندە قوسىمشا قۇجاتتار (اقپارات) قاجەت بولعان جاعدايدا ۋاكىلەتتى ورگاننىڭ ۆەدومستۆوسى قۇجاتتاردى ۇسىنۋ بەس جۇمىس كۇنىنەن كەم بولمايتىن مەرزىمىن بەلگىلەپ, ونى ءوتىنىش بەرۋشىدەن جازباشا تۇردە سۇراتادى. مۇنداي جاعدايدا تابيعي مونوپوليا سۋبەكتىسىنىڭ تاريفتىك سمەتانى تۇزەتۋ تۋرالى ۇسىنىسىن قاراۋ مەرزىمى كۇنتىزبەلىك وتىز كۇننەن اسپايتىن مەرزىمگە ۇزارتىلادى, ول تۋرالى ءوتىنىش بەرۋشىگە قاراۋ مەرزىمى ۇزارتىلعان كۇنىنەن باستاپ كۇنتىزبەلىك ءۇش كۇن ىشىندە حابار بەرىلەدى. تاريفتىك سمەتانى تۇزەتۋ تۋرالى ۇسىنىستى قاراۋ مەرزىمىن ۋاكىلەتتى ورگان ۆەدومستۆوسىنىڭ باسشىسى ۇزارتادى.». 2. قازاقستان رەسپۋبليكاسى ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ونىڭ كوشىرمەلەرىن باسپا جانە ەلەكتروندىق تۇردە كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا, سونداي-اق تىركەلگەن بۇيرىقتى العان كۇنىنەن باستاپ بەس جۇمىس كۇنى ىشىندە قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋ ءۇشىن رەسپۋبليكالىق قۇقىقتىق اقپارات ورتالىعىنا جىبەرۋدى; 3) وسى بۇيرىقتى قازاقستان رەسپۋبليكاسىنىڭ ۇلتتىق ەكونوميكا مينيسترلىگىنىڭ ينتەرنەت-رەسۋرسىندا ورنالاستىرۋدى; 4) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە قازاقستان رەسپۋبليكاسى ۇلتتىق ەكونوميكا مينيسترلىگىنىڭ زاڭ دەپارتامەنتىنە وسى تارماقتىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالعانى تۋرالى مالىمەتتەردى ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ۇلتتىق ەكونوميكا ۆيتسە-مينيسترىنە جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ ۇلتتىق ەكونوميكا ءمينيسترى ق.بيشىمباەۆ «كەلىسىلدى» قازاقستان رەسپۋبليكاسىنىڭ اقپارات جانە كوممۋنيكاتسيالار ءمينيسترى ________ د. اباەۆ 2016 جىلعى «___» ____________ بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 25 شىلدەدە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13973 بولىپ ەنگىزىلدى.